MBUYU HUANZA KAMA MCHICHA

Kulwa Z Maganga a.k.a Jon Myuzik alizaliwa miaka 29 iliyopita katika Hospital ya Maweni Mkoani Kigoma na kupata elimu yake katika shule ya msingi Jamhuri Dar-es-salaam,Canon Andrea Mwaka international school mjini Dodoma na Cambridge high schoolDar es salaam…..Ni mtoto wa pili na wa mwisho katika Familia ya marehemu mzee Zacharia Maganga aliyebahatika kupata watoto wawili Kulwa Z Maganga na dada yake Eliza Z maganga.
Kipaji kilianza kuonekana kanisani akiwa ana umri wa miaka 4 alipokuwa akishikwa mkono na wazazi wake ambao walikuwa wanakwaya wa kanisani pale…..Haaa navuta pumzi kidogo ndipo hapo Kulwa Z Mganga alipokuwa akipata nafasi ya kuimba kanisani humo……
Mvua ikanyesha jua likawa mwaka 2000 Kulwa Z Maganga alikuwa anataka kutimiza ndoto aliyokuwa nayo ya kufanya kazi na msaniii yeyote mkubwa wa hapa Bongo.Mwishoni mwa mwaka 2004 Kulwa lipata bahati ya kujiunga katika Band ya Gwiji la Muziki wa bongo Flaver hapa nnchini dada mwenye majina mengi Binti Machozi, Binti Komando,Mama Samefood na mengine mengi unayoweza kumwita lakini mwishoni utamwita Lady Jay Dee jamaa alipata shavu kama Muitikaiaji (BACK VOCAL), na mwaka 2005 aliajiliwa katika Studio ya Lady Jay Dee(JAG RECORDS) iliyokuwa mitaa ya Kinindoni aliajiliwa kama mfanya usafi wa Studio hiyo na kupokea wageni yaani wanamuziki wooote waliokuwa wakifika Jag lazima wakutane na Kulwa Z Manganga mnyamwezi wa Nzega.
Siku zote jamani hata mbuyu na ukubwa wake wote ulianza kama mchicha, siku moja ndipo lilipopatikana jina Jon Myuzik akiwa amechukua jina la marehemu Babu yake aliyekuwa akiitwa John Maganga, mwaka 2005 Jon Myuzik alitoa Single yake ya kwanza aliyopewa Offer na Lady jay Dee ya kurecord katika studio za Jag Record iliyoitwa Mama Don`t Cry ambayo ndio iliyomtambulisha kwenye game la Muziki huku akiendelea na shughuli zake ndani ya Machozi Band/Jag Records.
Alipiga kazi na Machozi Band takribani miaka 4 mbapo alijifunza mambo mengi ya Kimuziki ikiwa kutengeneza Muziki(music production) na kupiga Gitaa,2008 aliacha Machozi Band nakujiendeleza na elimu kidogo huku akiendelea na Muziki,alitoka na Track ya 2(Nishike Mkono) iliyomweka vizuri katika Muziki wa Nyumbani iliyokuwa katika mahadhi ya Raggie, katika kumbu kumbu zangu ngoma hii imefanya vizuri sana,pia katika upande wa Video ambayo imefanywa na Mtayarishaji bora wa Mwaka 2008-2009 (John Kalage) inaendelea kushika chart ktk tv mbalimbali za hapa nyumbani.
Jon Myuziki ameajiliwa katika Kampuni ya Big Time Intertinment inayomiliki Hotel za PeaCock katika Band ya Sweet Noise inayopiga nyimbo za Copy ndani ya Iringa huku akiendelea na kazi ya production.
Jamaa kwa sasa anamalizia Kuandaa Album yake ambayo amesema Muziki wake utakuwa katika Mahadhi ya Raggie,RnB na Kiafrica na kusema ndoto yake kuja kufanya muziki wa Kiafrica zaidi akitoa mfano wa wanamuziki wakubwa hapa Africa kama kina Lokua Kanza,Yossour Ndou, Ringo,Oliva Mtukudzi NK. Shughuli ya Albam yake inayokuja inafanyika katika Studio za Mpingo Production mkoani Iringa akishirikiana na Producer wake Sag.
Jamaa anapenda kutoa shukurani kwa mwenyezi Mungu kwa kumpa kipaji cha uimbaji,pia familia yake yote kwa kumsaport,shukurani pia zimuendee Lady Jay Dee na machozi band, na mwisho ni kwa mashabiki wake wote akisema watarajie album ya utofauti na ladha nzuri ya muziki.

TOKA JOPO LA VIVA AFRIKA TUNAKUPA SHAVU KIJANA UNAWEZA AND MAY ALMITHY GOD BLESS YOU ABOUNDANTLY