SHUKRAN KWA MZEE WA CHABO!

Hadithi za nabii wa mwenyezi mungu inasema kwamba asietoa shukurani kwa mwenzie basi litakuwa jambo lisolompendeza JALALI kwa leo Duniani na kesho Akhera.

Nilianza kwa matarajio makubwa kazi hii ninayoifanya ambayo mpaka sasa ninaamini ninaendelea kujifunza kwa asilimia kubwa, lakini kabla ya kuanza kazi hii kuna jamaa nilimfeel kwa kupendezwa na kazi zake alipokuwa radioni hata katika TV.

Huyu si mwingine ni Paul James Swea ambae ninampa heshima kama kaka yangu wakuzaliwa katika familia moja japo hilo mwenyezi mungu hakutaka lakini yote ni mipango yake JALALI.
Toka nikiwa shuleni kiukweli nilimfutilia sana huyu jamaa akiwa na vituo vya radio kama Radio Free Africa, Uhuru, Radio One na hata katika kituo cha Televisheni ya ITV kitu ambacho nilitamani siku moja nifanye nae kazi.

Namshukuru mwenyezi mungu nimefanikiwa kwa kile nilichokuwa nakiwaza miaka na miaka, siku hadi siku wakati huo nikiwa chalii (bwa mdogo) baada ya kufanya kazi na brother huyu mwenye upendo na mwenye moyo usio na choyo yoyote kwa hilo kaka ninakusifu sana na hakika ALLAH atakuongezea moyo wa upendo na kukuongoza.

Ilikuwa ni faraja kubwa sana siku ya kwanza kuonana nae uso kwa uso alipokuja mjengoni na kutambulishwa kuwa atakuwa sehemu ya chumba cha habari hakika hilo nililifurahia sana moyoni pasipo kumuonyesha yoyote hata yule wa karibu yangu sana.
Kiukweli nimejifunza mengi toka kwake kutokana na ukongwe wake katika fani hii ya utangazaji na uandishi wa habari kwa ujumla.

Aliniita mdogo wake nami nilimuita Bro, alinisaidia pale niliposhindwa nae aliusikiliza ushauri wangu nilipomshauri hali ambayo kiukweli ilinirahisishia maisha ya kazi ya kazi na ya nje ya kazi.

Alinishauri kupiga kazi kwa bidii kwa kuipenda kazi kama nimezaliwa nayo, kukaa mbali na watu wenye jicho la husda kazini kwa kunieleza kwamba tayari ameshafanya kazi na watu wa namna hiyo wengi tu, hivyo niwaone kama watu wa kawaida katika masiha yangu ya kila siku.

Alinisikiliza siku zote nilipokuwa nafanya kipindi nikipendacho cha Michezo na nilipofanya makosa alinielekeza kiundugu na kubwa alilokuwa halisemi ni pale ulipokuwa ukifanya vyema alikuwa hasemi kwa mdai ya kwamba akikusifia utaharibu, siku alipniambia hivyo nilicheka sana kwa siri yake hiyo kubwa.

Hakika kweli mwenyezi mungu niwa kushukuriwa sana kwani nililokuwa ninaliwaza nilipokuwa chalii (mdogo) limetimia, hongera sana PJ, Bro wangu kwa msaada wako, leo nimejifunza mengi kutoka kwako ninaweza kuishi na yoyote yule katika ulimwengu wa sasa uliojaa chuki fitina na majungu ambayo yanaturejesha nyuma hususan sisi wa bara la Afrika.

HAKIKA JALALI ATAENDELEA KUKUONGOZA KATIKA MAISHA YAKO YA KILA SIKU NA ATUONGEZEE SOTE MOYO ULIOJAA UPENDO, RAHA, FARAJA NA CHOCHOTE KILICHO KIZURI HAPA DUNIANI NA KESHO AKHERA.

BIG UP BROTHER.

Shaban Kondo(Maalim) kazini.